Ари аҭоурых изкуп ажәытәӡатәи Бырзентәыла афырхацәа иреиуаз аӡәы. Иасони уи иаргонавтцәеи раҧхьа ишьҭоуп ахьтәы уасцәа аагаразы аныҟәара. «Арго» ҳәа хьӡыс измаз аӷба ачарҭ аҿы еизеит хьӡи-ҧшеи згымыз афырхацәа. Урҭ ирыцны ишәарҭоу аныҟәарахь амҩа иқәлоит ашәаҳәаҩ Орфеии амч ду змаз Геракли. Урҭ зегьы ҧеиҧшс ирыман игәымбылџьбароу амазонҳәсацәа рықәшәареи, Симплегадтәи ацаҟьақәа рахысреи, ашәала ухызхуа асиренақәа рҿаҧхьа ашьақәымҟьареи, ахьтәы уасцәа зыхьчо агәылшьап цәыршәага аиааиреи.
Ахаҵа: - Амҩахь!
Избан ари уамашәа еиҿартәоу аҭоурых изаргәаҭеиуаз ажәытә бырзенцәа рыхдырра?
Аҧҳәыс: - Иарбан хықәку шәара ишәымоу?
Ахаҵа: - Ҳара ахьтәы уасцәа ҳамазар ҳҭахуп.
Бырзентәылан ари аҩыза ахҭыс иеиҧхыӡуан ахәыҷқәа зегьы. Ари ауаҩы дышфырхаҵахо аазырҧшуа ҭоурыхуп. Уи ауаҩы ифырхаҵахара аҟны аҧҳәыс лҭыҧ, аҧҳәыс лҵакы аарҧшроуп изызку. «Бырзентәыла антикатәи аамҭа афырхацәа», «Иасони аргонавтцәеи», «Арҧыс иҷкәынрантә ахаҵарахь ииасымҭа». Иолк абаӷәаза шьҭан ажәытә Бырзентәыла мрагыларатәи аҧшаҳәаҿы. Аброуп Иасон дахьалагаз ахьтәы уасцәа аҧшааразы дызнылаз имҩа. Ари аҧсцәа зыҟәныз, ишәарҭаӡаз ныҟәаран.
Пелии, Иолк аҳас иҟаз, дазыгәшьуан Иасон иҧсра. Избанзар Иасон иакәын зинла изтәыз Пелии дзықәтәаз аҳҭыҧ.
Ахаҵа: - Сара исҭаххоит зегь реиҳа иласны иныҟәо ашхәа.
Пелии Иасон, иҧсы ҭаны дшымгьежьра дақәгәыӷуа, дишьҭуеит ишәарҭоу аныҟәарахь.
Ахаҵа: - Сара сазыразуп уҳәамҭа анагӡара, аха саныгьежьлак аҳҭыҧ сара истәызаауеит.
Иасон иаҧхьаҟа ишьҭан жәытә ҳәамҭала иӡыргоу, алакәцәа зыҟәну Ҟалӷьҭаҟа, ахьтәы уасцәа аӷьычразы, амҩа ақәлара.
Уи имоукәа Иасон, хымҧада, фырхаҵас ихы изыҧхьаӡомызт. Угәы иабарын ари адҵа иузынагӡо ак шакәым, аха Иасон гәыҩбарада уи дазыразхеит. Избанзар уи иман «Арго» зыхьӡыз аӷба бзиеи, «аргонавтаа» ҳәа хьӡыс изауз, Геракл ихаҭа дназлаз афырхацәа ргәыҧи.
Ахаҵа: - Исон! Уара сара сыда аныҟәарахь ацара угәы иҭазма?
Ахаҵа: - Мап, зынӡаскгьы! Ари ҳара ҳ-«Арго» ауп! Бзиала уаабеит!
Геракл (римтәи амифологиала – Геркулес) абраҟа иҟазаара иаҵанакуа рацәоуп. Зегь раҧхьаӡагьы уи иаанагоит ари аҭоурых шхыҭҳәаау. Уи еиуеиҧшым анцәақәеи, ауамагақәеи, афырхацәа дуӡӡақәеи злоу ихыҭҳәаау ныҟәаратә жәабжьуп.
Ари аҭоурыхтә шьаҭа змам литературатә рҿиамҭоуп. Аха, амифқәа рҿы ишыҟоу еиҧш, зыӡбахә ҳамоу аҭоурых иалоуп аҵабырг ахәҭакгьы. Уи зну аҩымҭа ҭҵаауа, иалшоит уадаҩрада аҵабырги амци реиҩдраара. Аҳәамҭа ҭәуп ақәыҧшра иацу агәымшәареи алашыҩкреи рыла. Шәрыхәаҧш уи иалоу афырхацәа! Урҭ дәықәлоит ишәарҭоу амҩахь, рыҳәсацәа ирылшом рхацәа раанкылара. Иасон изы акәзаргьы ари аныҟәара – имч аҧышәаразы раҧхьаӡатәи ҽазышәароуп.
Ари аҭоурых иҳанаҳәоит Иасон ишеизигаз еибашьцәаны иҟалашаз арҧарцәа ргәыҧ. Урҭ иара дрыцны идәықәлоит хьӡи-ҧшеи рырҳарҭас иҟаз, ихароу, иуадаҩу аныҟәарахь. Ари аҭоурыхаҿ ҳара еилыкка иаабоит арҧыс ихаҵахара зныҧшуа ақьабз. Иолк абаӷәаза иҭыҵаанӡагьы аӷба «Арго» иақәтәаз рыуа-рҭынха ирызцәырҵит акыр изыргәашаз азҵаарақәа: ирылшома рырҧарцәа Ҟалӷьҭанӡа инаӡаны ахынҳәра? Илшарыма Иасон ихы иазықәиргылаз адҵа анагӡара?
Амшын Еиқәа агаҿа ишьҭаз Ҟалӷьҭа атәыла аҭааразы аргонавтаа ирыхәҭан ажәытә бырзенцәа усҟантәи аамҭазы ирдыруаз адунеи аҵкар аҟынӡа анаӡара. Ари аҭыҧқәа ирыхҳәаны акызаҵәык ирдыруаз – уи иџьашьахәу ауамагақәа рыла ишҭәыз мацара акәын. Ауамагақәа – ажәытә мифҭҵаара иузалымхуа иалаз хаҿқәан. Ихыҭҳәаау аҭоурыхтә жәабжьқәа зегьы рҟнеиҧш, арҭ аҧстәқәа рынхарҭас иалырхуан зегь реиҳа ихараз, усҟантәи аамҭазы иҭҵааз адунеи аҵкар аҿы ишьҭаз, анаӡаразы иуадаҩыз, аџьабаа рацәа зцыз, ишәарҭаз атәылақәа. Афырхацәа рыӷба дәықәлеит агаҿа иаваршәны ҩадала. Иаарласны уи шьҭахьҟа иааннажьуеит шәарҭара злам  Бырзентәыла иаҿыкәыршоу амшын, иазааигәахеит адгьылбжьахақәа ргәыҧ.
Абырзенӷбақәа ҭыҧла иманшәаламызт, убри аҟынтә аргонавтаа рыхәҭак ашхәа ажәҩақәа анаҵыршьуаз, даҽа џьоукы убри аамҭазы рыҧсы ршьон, аха аҧсшьарахаҭа азы еиӷьын амшын аҿықә аҟынӡа анаӡара. Убасҟан ауп аргонавтаа ашәарҭа ианҭагылозгьы.
Амиф излаҳәо ала, аргонавтаа ахьыӡхыҵыз раҧхьатәи дгьылбжьаханы аӡбахә ҳәоуп Егеитәи амшын аҿы иҟоу Лемнос. Иахьа ари адгьылбжьаха Бырзентәыла иахәҭакуп, аха усҟантәи аамҭазы ари аҭыҧ абырзенцәа рзы идырым, еилкаам ҭыҧын. Иасони Орфеии адгьылбжьаха ианыӡхыҵ еилыркаауеит уаҟа аҳәса рыда аӡә дышнымхо.
Ахаҵа: - Иҟалап, урҭ аршәазар аҳәса ҧшӡақәа ирхылҵуаз афҩы.
Ахаҵа: - Сара уи уамашәа избом.
Ахаҵа: - Лара илҳәеит араҟа иахьынӡаҳҭаху ҳаҟазар ҟалоит ҳәа.
Ахаҵа: - Сара сакәымкәа.
Ахаҵа: - Дара шықәсқәак ҵуеит хаҵак дрымбеижьҭеи.
Ахаҵа: - Сара адәы сықәиижьҭеи ас еиҧш иҟоу аҳәсацәа среигәыӷуан.
Лемнос иқәынхоз аҳәсажәлар рыразреи рысасдкылареи уамашәа ибаны, аргонавтаа ирыӡбоит адгьылбжьахаҿ шьыжьынӡа иаангыларц. Аха Иасони Орфеии ибзианы еилыркаауеит аҳәса рхықәкы хада. Ахацәа рыҟамзаара иахҟьаны адгьылбжьахаҿ кыр ҵуеит хәыҷык дымиижьҭеи. Аргонавтаа абраҟа аҳәса ирыцхраар ауан. Амала аргонавтаа аҭыҧан раанхара, Иасони уи иҩызцәеи ирханаршҭыр ҟалон аханатә амҩы иззықәлаз ахықәкы. Насыҧны, арҭ афырхацәа ргәыҧ аҿы дыҟан згәы еиҵамсуаз Геракл.
Иолк анаанрыжьуаз, Иасони уи иҩызцәеи ҧҳәыск хаҵаҵас дрыздыруамызт. Амҩа иқәнаҵы дара ироур ахәҭан аҳәса рзыҟазаашьа аҧышәа. Ишҧа, насгьы ианба – арҭ азҵаарақәа рҭак ыҟоуп ари аҳәамҭаҿ. Ахаҵахара ақьабз иахәҭаҷуп ахаҵажәлатә ҿиара иазку ақьабз. Уи алшара аиқәыршәароуп изызку амиф аҿы иаабо аргонавтааи Лемнос аҳәсеи реиниара. Убасҟаноуп уи афырхаҵа хада раҧхьаӡа акәны ианеиликааз аҧхьан изымдыруаз, аринахыс дзыҭҟәаз амч. Ас еиҧш иҟоу мчны иҟалеит аҧҳәыс иара иахь дидзыҧхьалаз ацәанырра ҧха. Аха амиф абраҵәҟьа ҳгәы ҳҽаннаҵоит иблахкыгоу адгьылбжьахақәа рҿы ари аҩыза агәыблыра ишацу ауаҩы дзыниауа еиуеиҧшым ашәарҭарақәа. Аргонавтаа рыгәгьы иҭамшәеит Лемнос аҳәса маӡа лашьцак рыман ҳәа.
Аҳәса рхацәа рыӡра зҵаҵәахыз гәыҧ-гәыҧлатәи абзиабаратә ҧсахра акәын. Урҭ шьын адгьылбжьаха иқәынхоз рхатәы ҳәсацәа рнапала. Иасони аргонавтааи иаанхоит ари аҭыҧаҿ ибааҧсу аҵабыргхаҭа рхаҿы иаамгакәа. Ажәакала, ахьтәы уасцәа азыҧшаара афырхацәа аанагеит урҭ рымҩаҿ раҧхьаӡа ицәырҵыз аангыларҭахь.
Иасон иӡбеит иҩызцәа, маҷк иадамхаргьы, рыҧсы диршьарц. Ихаршҭны, зхала иааныжьу ауаа дук мырҵыкәа адунеиаҿ иааҟоу зегьы шырхашҭуа. Насыҧны, аӷбаҿ дыҟан аҧышәа змоу, аҧсҭазаара иарҟәышхьаз, аргонавтаа зырхынҳәыз, - Геракл.
Ахаҵа: - Иаарласны аӷбахь!
Ахаҵа: - Иҟамлари даҽа ҽназаҵәык ҳаангылар?
Ахаҵа: - Ҳара акрызҵазкуа аус ҳамоуп, уара ухаҭа уҿырҧшыгазароуп. Шәалга!
Араҟа ицәыҵаку аформала иаарҧшуп абырзен ҧсыцқьарақәа руак – аҭакҧхықәратә цәанырра. Иҭакҧхықәрадоу ауаҩы ҧеиҧшс имоу ҭахароуп. Иасон ицәанырра аницәыӡ ахааназ изыҧшааран дыҟам ахьтәы уасцәа, изыргьежьран дыҟам зинла иқәнагоу аҳҭыҧ. Уи адагьы Лемнос аҿы ауп аҧызара хаҭа азҵаара ахьцәырҵ. Дарбану ҩыџьа рҟынтә иҧызахаҭоу? Иасон иакәу, Геракл иакәу? Аха, уазхәыцуазар, ари азҵаара ӡбан Иолк абаӷәазаҿ, агәыҧ амҩа ианықәлоз.
Ахаҵа: - Ҳаамҭа ааит.
Ахаҵа: - Ари баша гәыӷрақәоуп.
Аҧҳәыс: - Угәы уҽаныз.
Ахаҵа: - Аргонавтаа, иааит аамҭа аҧыза иалхразы.
Аиндаҭлаҩцәа ҩыџьа ыҟан. Геракли Иасони. Геракл дыӷәӷәан, дфырхаҵан, уззымаиааиуаз еибашьҩын.
Ахаҵа: - Иара адунеи дықәеижьҭеи аҧышәа ду ирҳахьеит
Ахаҵа: - Ааи!
Аха анцәақәа ирыӡбеит ҧызас Иасон дҟаларазы. Иасон иоуп афырхацәа зегь еидызкылаз. Иара дыгәкуп, игәы иҽануп, дҟәышуп, дгызмалуп. Аха иара зныкгьы иҽалимырхәӡацт арҭ рҩыза аусқәа.
Ахаҵа: - Иасон идгыло шәнапқәа шәырҩах.
Иасон изы ҷыдала иҳәатәуп уи, ацәажәараан аҳәса хызхуа уаҩны дшыҟоу, ишилшо аиқәшаҳаҭра рыбжьаҵара атәым жәларқәа рхаҭарнакцәа, еилкаауп ари алшара ахаратәи аныҟәарақәа раан рацәа ишмаҭәахәу.